Rəşad Əliyev (Müəllif)
Bir neçə gün əvvəl dünya şöhrətli repçi və iş adamı Kanye Uestin keçmiş əməkdaşı Lauren Pişotta musiqiçinin arvadı Byanka Sensorinin anası ilə sevişmək istədiyi ilə bağlı mesajlarını üzə çıxarıb.
OLAY yazır ki, Biankanın anası Aleksandra Sensori Kanye Uestin bu istəyindən xəbər tutandan sonra şoka düşüb.
“Daily Mail” nəşrinin əməkdaşları Melburnda bir gün əvvəl qadınla görüşüb və ona birbaşa sual ünvanlayıb.
Bu sualdan emosional davranış nümayiş edən Byankanın anası “kürəkəninin son xəbərlərinə” cəlb edilməməsini və tək qalmağını istəyıb.
Onun bu addımından bəlli olur ki, Aleksandra kürəkənin qalmaqallarına qarışmaq niyyətində deyil.
Xatırladaq ki, bundan əvvəl mətbuatda Kanye Uest və Byanka Sensorinin boşanmağa hazırlaşdığı barədə xəbərlər yayılıb. Daha sonra Kanye Byanka ilə bütün fotolarını instaqram səhifəsindən silib. Bununla da repçi şaiələrin daha da artmasına şərait yaratmış olub.
