Rəşad Əliyev (Müəllif)Zərgərlik dizayneri İnes de Ramon dostlarına sevgilisi Hollivud ulduzu Bred Pittlə münasibətini müzakirə etməyi qadağan edib.
OLAY yazır ki, bu haqda 31 yaşlı İnesə yaxın mənbə “Daily Mail” nəşrinə açıqlamasında danışıb.
Mənbənin sözlərinə görə, iş o yerə çatıb ki, Ramon Pittlə münasibəti ilə bağlı ən əhəmiyyətsiz təfərrüatlar belə ictimaiyyətə məlum olmasın deyə, yaxınlarına açıqlamayan müqavilələr imzalamağa məcbur edib.
“İnes bütün dostlarına dedi ki, heç vaxt onun və ya onlar haqqında heç bir məlumatı açıqlamasınlar. O, Bredi sevir və bir gün onunla evlənmək ümidi ilə ona güvənməsini istədiyi üçün bu addımı atıb. O, həqiqətən onun qayğısına qalır”, - deyə mənbə vurğulayıb.
Qeyd edək ki, Bred Pitt və zərgərlik dizayneri İnes de Ramon 2022-ci ildən birlikdədirlər və aralarında hər şey ciddidir. Bu yaxınlarda cütlük Venesiya Film Festivalında ilk dəfə “qırmızı xalı”dan keçiblər. İnes əvvəllər “The Vampire Diaries” ulduzu Pol Uesli ilə evli olub. Bred Pitt 2019-cu ildə Ancelina Colidən boşanıb. Keçmiş həyat yoldaşlarının gərgin münasibətləri var, hələ də məhkəmə yolu ilə həll edirlər və onların da altı övladı var. Onlardan üçü övladlığa götürülüb: 22 yaşlı Maddoks, 20 yaşlı Paks və 19 yaşlı Zahara, üçü isə biolojidir: 18 yaşlı Şilo və 15 yaşlı əkizlər Noks və Vivyen. Aktyorun uşaqları ilə də çətin münasibəti var: artıq bütün qızları onun soyadından imtina ediblər.
