Samirə Ərəblinskaya (Müəllif)
Avstraliya əsilli amerikalı media maqnatı Rupert Merdok 5-ci dəfə evlənib.
OLAY yazır ki, 93 yaşlı Merdok rus əsilli alim Yelena Jukova ilə münasibətlərini rəsmiləşdirib. Bir neçə aydır birlikdə olan cütlük Kaliforniyada ailə qurub.
Təqaüddə olan molekulyar bioloq Jukovanın 67 yaşı var. Jukova media maqnatı ilə onun keçmiş həyat yoldaşı Vendi Denqin ev sahibliyi etdiyi ailə məclisində tanış olublar. Merdok və Denq 14 il evli olublar, 2013-cü ildə ayrılmaq qərarına gəliblər.
Ötən il Merdok aralarında “FOX” və “Skynews” kimi məşhur telekanalların olduğu “News Corporation” şirkətindəki vəzifəsini tərk edib.
Media maqnatı ən son Ann Lesley Smit ilə nişanlanmışdı, lakin cütlük iki həftə sonra, keçən ilin aprelində ayrılmaq qərarına gəlib.
Qeyd edək ki, Rupert Murdok 1956-1967-ci illərdə avstraliyalı stüardessa Patrisia Buker, 1967-1999-cu illərdə Şotlandiya əsilli jurnalist Anna Mann və 1999-2013-cü illərdə Çin əsilli sahibkar Vendi Denq ilə evli olub. Merdok sonuncu həyat yoldaşı, məşhur keçmiş model Cerri Holldan 2022-ci ildə ayrılıb.
Oruc Ələsgərov
