Pərvin çəkilişlərdə xəstəlik tapdı!

Aktrisa Pərvin Abıyeva filmlərə çəkilməməyinin səbəbini açıqlayıb.

OLAY yazır ki, o, bu barədə “Xəzər axşamı” verilişində danışıb. Abıyeva çəkildiyi layihələrdə ondan sponsor istədiklərini deyib.

“İlk dəfədir bunu deyirəm. Amma artıq deyəcəyəm. Bilmirəm səbəbi nədir, məndənmi istəyirlər bunu, ya bütün aktyor-aktrisalaramı deyirlər, təklif edirlər. Sponsoru belə məndən istəyirlər. “Sponsor olmaz səndə? Bəlkə, tanış edəsən. Bizə sponsor yönləndirəsən”. Axı, niyə? Mən prodüser deyiləm. Filmə çəkilən ərəfədə bunu məndən istəyirlər. Filmlərimdə özümü istədiyim kimi göstərə bilmirəm. Ən böyük səbəblərindən biri kadrarxası yaşananlardır. Saatlarla oturub gözləyirsən, bir səhnəni, bir işığın qurulmağını. Bu bəzən 6-7 saat çəkir. O qədər yoruluram ki, oynaya bilmirəm. İnsan əsəb gəlir, normal qidalanmırsan, normal istirahət otağın, karavanın yoxdur. Mədəm xarab oldu çəkilişlərdə. Noyabrda qida borumdan ağır əməliyyat keçirdim. Ciddi sağlamlıq problemlərim oldu. Axalaziya deyilən xəstəliyim var idi”, - deyə, Pərvin bildirib.