“Yazıb ki, guya mən ölkəmizdə şiddəti təbliğ edirəm”

Aktyor Elməddin Cəfərov onunla bağlı TikTok-a şikayət getdiyini bildirib.

OLAY yazır ki, bu barədə Cəfərov “Gün ortası” verilişində danışıb. Elməddin deyib ki, bu xəbəri eşidəndə şok yaşayıb:

“İlk dəfə bunu eşidəndə çox şok yaşadım. Kimsə əziyyət çəkib, ərinməyib və TikTok-a rəsmi məktub yazıb ki, guya mən ölkəmizdə şiddəti təbliğ edirəm. Həmin adam bunu edib ki, TikTok məni ümumiyyətlə bloklasın. Mən ora girmirəm, sosial şəbəkələrdən ümumiyyətlə istifadə etmirəm. Amma gördüyümüz işlər var. Niyə axı? Ondansa həmin əziyyəti çək, get evinə çörək pulu qazan da... Gecə yatma, məktub yaz... Bu vaxtı elə ailənə, övladına ayır. Mənə qəribə gəldi ki, bir insan pislik etmək üçün necə əziyyət çəkə bilər?”.