Məşhur hind prodüser və rejissor Şakil Nurani polis tərəfindən həbs edilib.
OLAY yazır ki, o, aktrisalığa yeni başlayana bir qadına təcavüz etməkdə ittiham olunur. O, Mahabaleşvardakı bir bağ evində saxlanılmazdan əvvəl 40 gün ərzində hüquq-mühafizə orqanlarından gizlənib. İstintaqçılar iddia edirlər ki, Nurani dörd il ərzində həmin gənc qadına qarşı cinsi zorakılıq törədib və bu hərəkətləri videoya çəkib; o, zərərçəkəni öz nəzarəti altında saxlamaq üçün görüntüləri internetdə yaymaqla hədələyib.
Zərərçəkənin sözlərinə görə, rejissor əvvəlcə onu ssenarini müzakirə etmək üçün evinə dəvət edib. Aktrisa bildirib ki, sonradan Nurani onun içkisinə hansısa maddə qatıb və ona qarşı cinsi zorakılıq törədib. O, özünə gəldikdən sonra həmin şəxs ona bir video-yazı göstərib və polisə müraciət edəcəyi və ya baş verənləri ailəsinə danışacağı təqdirdə həmin görüntüləri internetdə yaymaqla hədələyib.
İstintaq müəyyən edib ki, rejissor bu təhdiddən dəfələrlə istifadə edib. Gənc qadın bunun nəticəsində hamilə qalıb, lakin güclü stress və davamlı təzyiq səbəbindən uşaq salıb.
