1 noyabr 2025 tarixində Maştağa Mədəniyyət Mərkəzində Xalq artistləri Əlibaba Məmmədovun 95 və Məmmədbağır Bağırzadənin 75 illik yubileyinə həsr olunmuş xatirə gecəsi keçirilib.
OLAY yazır ki, Azərbaycan Respublikası Mədəniyyət Nazirliyi və Bakı şəhəri Mədəniyyət Baş İdarəsinin təşkilatçılığı ilə baş tutan tədbirdə sənətkarların unudulmaz əsərləri səsləndirilib, yaradıcılıq yollarına yenidən işıq tutulub.
Xatirə gecəsinin aparıcılığı Əməkdar mədəniyyət işçisi İlqar Fəhmiyə həvalə olunub.
Tədbirdə mərhum sənətkarların ailə üzvləri və sevənləri iştirak edib.
