Aktyor Azər Aydəmirə yeni vəzifə verilib.

OLAY yazır ki, aktyor Azərbaycan Kinematoqrafçılar İttifaqının yeni tərkibdə formalaşan İdarə Heyətinin üzvü seçilib.

Qeyd edək ki, Xalq artisti Şəfiqə Məmmədovanın Azərbaycan Kinematoqrafçılar İttifaqına sədr seçilməsi ilə bağlı protokollaşdırılan və təsdiq olunması üçün Ədliyyə Nazirliyinə göndərilən sənəd artıq rəsmi şəkildə təsdiqlənib.

Bununla yanaşı, Şəfiqə Məmmədova ilə birlikdə İttifaqın yeni tərkibdə İdarə Heyəti də rəsmiləşdirilib.

Yeni İdarə Heyəti 27 üzvdən ibarət olacaq. Aktyor Azər Aydəmir də idarə heyətinin üzvləri sırasında yer alıb.