Samirə Ərəblinskaya (Müəllif)
Xalq artisti Flora Kərimova “Həmin Zaur” proqramında qonaq olarkən qızı Zümrüd canlı bağlantı ilə efirə qoşulub.
OLAY yazır ki, Zümrüd anası ilə tez-tez görüşə bilmədiklərini, F.Kərimovanın xaricə getmədiyini söyləyib:
“Bakıya keçən il gəlmişdim. Ailə qurandan sonra gələ bilmədim. Həyat yoldaşımla anam hələ də bir-birilərini görməyiblər. İnşallah, bu il düzələr. İndi Londonda yaşayıram. Burada psixoloq köməkçisi kimi işləyirəm. Bir neçə il təhsil aldıqdan sonra özüm psixoloq kimi çalışacam. Anamı Azərbaycandan qoparmaq çox çətindir. İstərdim ki, ya bura, ya da Almaniyaya qardaşımın yanına gəlsin”.
Qeyd edək ki, Zümrüd əslən bakılı olan Britaniya vətəndaşı ilə evlidir.
