Pərviz Hüseyn (Müəllif)
Xalq artisti Aygün Kazımova Xəzər TV-də yayımlanan “Səhər Mərkəzi” verilişində qonaq olarkən maraqlı anlar yaşanıb.
OLAY yazır ki, müğənni “Qorxulu yuxularınızda hansı sənətçini görmüsünüz”,- sualına cavabı Afaq Gəncəlinin qulağına deməklə kifayətlənib. Lakin A. Gəncəlinin mikrofonu açıq olduğu üçün sənətçinin bəhs etdiyi şəxsin adı eşidilib.
“Bu dəqiqə kimi gördüyümü danışsam… Şok olmuşam ki, o, yuxuma necə girə bilər? Qulağınıza deyim, çox gündəm olacaq. Elariz (müğənni Elariz Məmmədoğlu- red)... Onun yuxumda nə işi var? Dedim, yəqin ölmüşəm, ruhum canımdan çıxıb, yasıma gəlib. Belə düşündüm, çünki ancaq yasımda evimə gələ bilər. Başqa cür o, evimə necə gələ bilər?”, - deyə A.Kazımova söyləyib.
Afaq Gəncəli isə “Heç cür gələ bilməz. Onda qorxarsız da, gecə... yuxuda görmək” sözlərini əlavə edib.
