Pərviz Hüseyn (Müəllif)Cici və Bella Hadid bacıları İtaliyanın “Versace” moda evinin ən çox axtarılan top modellərindəndir.
OLAY yazır ki, qızlar brendin yeni reklam kampaniyası üçün çılpaq pozalar veriblər. Çəkilişdə qadağan olunmuş meyvə və cazibədar ilan olan bibliya motivlərindən ilhamlanılıb.
Donatella Versace onların fotosunu “Mənim Versace ilahələrim” şərhini yazaraq paylaşıb.
“Versace” fanatları isə fotonun illər öncə Klaudia Şifer və Silvester Stallonenin yer aldığı, rəmzə çevirilən reklam kampaniyasına eyham kimi dəyərləndirib.
Qeyd edək ki, sənətçilər 1995-ci ildə “Versace Home” kolleksiyası üçün Adəm və Həvva kimi pozalar vermişdilər. Ancaq ulduzlar bədənlərini çanta əvəzinə çini qablarla bağlayıb. Daha sonra bu fotolar “Avedon” tərəfindən 1998-ci ildə yayımlanan “Versace: Çılpaq və geyimli: 20 illik Versace” kitabına daxil olunub.
