“Röyaya çox keçmiş olsun!”

Xalq artisti Aygün Kazımova Moskvada baş verən terror aktı ilə bağlı paylaşım edib.

OLAY yazır ki, bu barədə instaqramın hekayə bölməsində yazıb:

“Moskvada baş verən dəhşətli hücumda həlak olanların ailəsinə Allahdan səbir, yaralılara tezliklə sağalmalarını diləyirəm. Allah Rusiyada yaşayan, çalışan bütün həmvətənlərimizi qorusun. Dostum Eminə bu çətin anlarda səbr diləyirəm. Yaşadıqlarının nə qədər ağır olduğunu anlayıram. Ümid edirəm ki, tezliklə günahkarlar öz cəzasını alacaqlar. Ötən gün "Vegas City Hall"da çıxış etmək üçün yol alan həmkarım Röyaya çox keçmiş olsun. Şükürlər olsun, həmvətənlilərimiz sağ və salamatdırlar. Dünyamız sağ-salamat olsun, Amin!”