OLAY.AZ (Müəllif)
Parkda meyiti tapılan türkiyəli məşhur aktrisa Seda Fettahoğlunun ölümü ilə bağlı bəzi detallar bəlli olub.
OLAY yazır ki, intihar ehtimalını nəzərə alan polis genişmiqyaslı araşdırmalara başlayıb.
Ötən gün səhər saat 08:00 radələrində İstanbulun Beyoğlu rayonunda parka gəzintiyə çıxan gənc tələbə əvvəlcə silah səslərini eşidib, daha sonra yerdə uzanan qadını görüb və polisə xəbər verib.
Xəbərdarlıq üzərinə hərəkətə keçən polis qrupları dərhal Beyoğlu Ömər Avni Məhəlləsindəki 10 Dekabr Şəhidləri Parkına gəlib. Qadın cəsədi ilə qarşılaşan polis qrupları araşdırma başladıb.
Müayinədən sonra cəsədin İstanbul Böyükşəhər Bələdiyyəsi Şəhər Teatrının aktrisası Seda Fəttahoğluna aid olduğu məlum olub.
Fettahoğlunun yanında qeydiyyatlı saxlama icazəsi olan tapança və 7 patron tapılıb. Bundan əlavə, müayinə zamanı qruplar onun çantasından çoxlu antidepresan dərmanlar aşkar ediblər.
Ötən gün Fettahoğlunun 44 yaşı tamam oldu
