Pərviz Hüseyn (Müəllif)“Aşkı memnu”nun yeni versiyası “Bihter” filminin baş rollarından birlikdə ilk foto yayımlanıb.
OLAY yazır ki, türk mediasının iddiasına görə, tarixi janrda çəkiləcək layihədə yer alan Boran Kuzum – Behlül, Osman Sonant – Adnan və Bihter – Farah Zeynep Abdullahın şəkili sosial şəbəkələrdə yayılıb.
Qeyd edək ki, ekran işi “Netflix”də yayımlanacaq. Hande Ataizi – Firdevs, Helin Kandemir – Nihal, Ebru Özkan – Matmazel, Nezaket Erden – peyker, Mertcan Tekin – Nihat, Mert İnce – Bülent, Lorin Menhart isə Beşir obrazına həyat verəcək.
Onu da bildirək ki, 2008-2010-cu illərdə izlənmə rekordları qıran serialda Behlül obrazına Kıvanç Tatlıtuğ həyat vermişdi.
“Aşkı Memnu” Halit Ziya Uşaklıgilin əsəridir. Əsərin ilk versiyası 1899-cu ildə “Servet-i Fünûn” dərgisində, daha sonra isə 1901-ci ildə kitab formasında təqdim olunub.
Serialın ilk versiyası isə 1975-ci ildə çəkilib. 1 sezon yayımlanan ekran işi 6 bölümdən ibarət olub. Həmin serialda Behlül obrazını isə Salih Güney canlandırıb.
