Amerikalı reper Kanye Uestin avqustun 14-də Almatıda keçirilməsi planlaşdırılan konserti genişmiqyaslı elektrik enerjisi kəsintisi səbəbindən baş tutmaya bilər.
OLAY yazır ki, elektrik enerjisinin verilişində yaranan problemlər şəhərin dörd rayonunda — Bostandıq, Naurızbay, Auezov və Alatau rayonlarında qeydə alınıb. Məhz Bostandıq rayonunda sənətçinin axşam çıxış etməli olduğu Mərkəzi Stadion yerləşir.
Kanye Uestin konsertinin saat 21:00-da başlaması planlaşdırılır. Hazırda həmin vaxta qədər konsert məkanında elektrik enerjisinin bərpa olunub-olunmayacağı məlum deyil. Şəhərdəki elektrik kəsintisi fonunda işıqforlarda və digər şəhər infrastrukturunda da problemlər yaranıb.
