Avroviziya 2026 — qarşıdan gələn, sayca 70-ci beynəlxalq mahnı müsabiqəsi olacaq.
OLAY yazır ki, yarışma Avstriyanın paytaxtı Vyana şəhərində keçiriləcək. Buna səbəb ötən il İsveçrənin Bazel şəhərində təşkil olunan müsabiqədə JJ-in “Wasted Love” adlı mahnı ilə qalib gəlməsidir.
Hazırda “Avroviziya 2026” yarışmasında qalibiyyət şansı ən yüksək olan ölkə İsraildir (11%). İsraili eyni göstərici ilə Finlandiya (11%) izləyir. Daha sonra Yunanıstan (8%), İsveç (7%) və Niderland (6%) qərarlaşıb.
Maraqlıdır ki, bukmeykerlərin əsas favoriti sayılan İsrail üçün hələlik yalnız müsabiqə iştirakçısı bəllidir. Ölkəni yarışmada Noam Bettan təmsil edəcək. Onun müsabiqədə səsləndirəcəyi mahnının mart ayının əvvəlində təqdim olunacağı gözlənilir.
Qeyd edək ki, “Avroviziya 2026” ətrafında yaranan vəziyyət bir sıra ölkələrin müsabiqəni boykot etməsi fonunda inkişaf edir. Avropa Yayım Birliyi (EBU) İsrailin iştirakını təsdiqlədikdən sonra İrlandiya, Niderland, İspaniya, İslandiya və Sloveniya “Avroviziya 2026”-da iştirakdan imtina etdiklərini açıqlayıblar.
