Nigar Namiq (Müəllif)
Müğənni Xatun Əliyeva ötən il oğlu Adilə etdiyi toydan danışıb.
OLAY yazır ki, sənətçi ona dəstək olan dostlarının adını çəkib.
Xatun bildirib ki, məclisi təşkil etmək üçün borc pul götürdüyünü də etiraf edib:
“Toya az müddət qalmış fikirləşirdim ki, ay Allah, kimə zəng edib deyim mənə pul versin? Bir də gördüm ki, Vasif Məhərrəmli zəng edir. Toyla bağlı soruşdu, çox maraqlandı. Mənə “Toy günü özümlə pul gətirəcəyəm. Pulu ödəyəndən sonra mənə qaytararsan” dedi. Vasifin zəngindən sonra ağladım. Aparıcı Lamiyyə Ələkbərova, Elgiz Əkbər, Mətanət Əsədova və başqaları da mənə dəstək idilər. Bilirsiniz, toylar, əvvəlki gəlirlərimiz azalıb. Həyatdır da, bir gün elə olur, bir gün belə”.
Daha sonra müğənni Vasif Məhərrəmli bu barədə fikir söyləyib:
“Sırf bizim sənət camiəsində küsülülük, qəlb qırmaq və s. zaman-zaman olur. Fərq etmir aktyor, ya müğənnidir. Hamımız bir qazanda qaynayırıq. İstəyərdim ki, qəlblər qırılmasın, mehribançılıq olsun. Mən zəng edəndə Xatun həqiqətən də ağladı. Bizim vaxtı ilə pis günlərimiz, cibimizdə pulumuzun olmadığı zamanlar olub. Hansısa məclisdə oxuyanda Xatunu, Mətanəti düşünürsənsə, deməli, doğrudan dostsan. Həmişə dostlarımı düşünmüşəm”.
