Samirə Ərəblinskaya (Müəllif)
Rəqqasə Renka (Rəna Ağamuradova) və Aşıq Zülfiyyə İbadovanın oğlu Babək arasında gərginlik yaşanıb.
OLAY yazır ki, onlar “İndi başla” verilişində qonaq olarkən mübahisə ediblər. Buna səbəb isə Renka atasından və sənətə başlamasından danışarkən Babəkin “off” deməsi olub. Rəqqasə onun reaksiyasına qəzəblənib və göz yaşlarını saxlaya bilməyib. O, “Deyəsən, sıxıldız. “off” dediz. Mən elə reaksiya vermirəm siz danışanda. Ayıbdır axı. Siz də danışanda mən belə edəcəm. Mən o tərbiyədə deyiləm”, - sözlərini bildirib.
Aşıq Zülfiyyə isə “siz Allah rəhmət etsin deyəndə o reaksiyanı verdi. O, nənə-babasını çox istəyirdi” söyləyib. Bu zaman Babək anasına nəsə açıqlama vermək məcburiyyətində olmadığını deyib.
Daha sonra Babək söyləyib ki, qadına qərəzi ola bilməz və hörmətsizlik etməz. Aşıq Zülfiyyə də Renkanın oğlunu yanlış anlamamasını istəyib. Buna baxmayaraq, rəqqasə efiri tərk edib.
