Dilşad Bəhruzqızı (Müəllif)
Xəzər TV-də yayımlanan “Təsir dairəsi” verilişinin canlı efirində qalmaqal yaşanıb.
OLAY yazır ki, hadisə ekspert qismində oturan jurnalist Anar Vəziroğlu və vəkil Şəfiqə Nağıyeva arasında baş verib. Reklam fasiləsində başlayan gərginlik canlı efirdə də davam edib.
Əsəblərini cilovlaya bilməyən Vəziroğlu “Bu qadında ləyaqət yoxdur” deyərək Nağıyevanın üstünə su töküb. Sözügedən hadisədən sonra Anar heyət tərəfindən proqramdan uzaqlaşdırılıb.
Aparıcı Lalə Azərtaş isə “Bu Şəfiqə xanıma yox, mənə qarşı hörmətsizlik idi”, - deyə, bildirib.
Qeyd edək ki, Anar Vəziroğlu Əməkdar incəsənət xadimi Baba Vəziroğlunun qardaşıdır.
