Samirə Ərəblinskaya (Müəllif)
Türkiyədə yayımlanan “Survivor All Star” yarışmasında birləşmə partisi keçirilib.
OLAY yazır ki, gecədə keçirilən mahnı müsabiqəsi xüsusi diqqət çəkib. Belə ki, iştirakçılar müxtəlif musiqilərdən ibarət repertuar hazırlayıb.
Şouda yer alan azərbaycanlı idmançı Pərviz Abdullayev də (Kobra Pərviz) öz məharətini sərgiləməyə çalışıb. Abdullayev yarışmada Novruz Feyzullayevin müəllifi olduğu “Yandırdın qəlbimi” mahnısını səsləndirib. Onun ifası digər iştirakçılar tərəfindən də maraqla qarşılanıb.
Bundan başqa, müsabiqənin digər iştirakçısı Berkan Karabulut da ifa üçün Azərbaycan mahnısını seçib. O, musiqisi Əli Səlimiyə, sözləri Fərhad İbrahimiyə məxsus olan "Ayrılıq" əsərini ifa edib. Berkan bu mahnını çox sevdiyini xüsusi vurğulayıb.
