TV proqram
TV proqram

“Reytinq vermiriksə bizi verilişlərinizə çağırmayın”

“Reytinq vermiriksə bizi verilişlərinizə çağırmayın”

“Mən Akademik Opera və Balet Teatrının solistiyəm. “Leyli və Məcnun” tamaşaları olur. Gəlib baxsınlar həmin tamaşaya gələn tamaşaçıların səviyyəsinə sonra isə getsinlər baxsınlar öz verilişlərin səviyyəsinə. Nəyi nə ilə müqayisə edirlər?”

OLAY yazır ki, bu sözləri Əməkdar artist Elnur Zeynalov qonaq olduğu “İncə səhər” verilişində deyib.

Sənətçi bildirib ki, əgər o reytinq vermirsə onu verilişlərə dəvət etməsinlər:

“Ciddi və klassik musiqinin tamaşaçıları az olur. O musiqini başa düşmək üçün o qədər savadlı, elit və düşüncəli insan olmalısan ki... Çox təəssüf ki, belə insanların sayı az olduğu üçün ola bilər ki, biz hansısa verilişə çıxanda reytinq aşağı olsun. Əgər biz reytinq vermiriksə biz muğam ifaçılarını verilişlərinizə çağırmayın. Niyə ciddi və dövlət əhəmiyyətli tədbirlər olanda muğam ifaçılarını axtarırsınız? Niyə hansısa özəl tədbirlərdə muğam ifaçılarını axtarırsınız? Çağırmayın! Efir vasitəsi ilə səslənib deyirəm ki, əgər sizə reytinq vermirəmsə öz verilişlərinizə məni çağırmayın”