Rəşad Əliyev (Müəllif)
Müğənnilər Sevil və Sevinc Səfərova bacıları aparıcılıqdan əvvəl və sonrakı qazanclarından söz açıblar.
OLAY yazır ki, bu haqda əkizlər qonaq olduqları “7 tamam” verilişində danışıblar.
Sevinc bu mövzu ilə bağlı bunları dilə gətirib:
“Biz aparıcılıqdan sonra 10 qazanırdıqsa 50 qazandıq. Niyə? Çünki canlı yayım olduğu üçün və bizim çox az şansımız olurdu ki, efiri qoyub gedək. Biz Bakıda az-az olurduq, işlərimizin əksər hissəsi isə Rusiyada idi. Bizə maddi cəhətdən efir sərf eləmirdi. Elə bir hallar olur ki, getdiyimiz yerdə həftələrlə qalmaq məcburiyyətində oluruq. Verilişdən çıxandan sonra pandemiyaya qədər 15 gün orada qalıb, bir günlük qayıdırdıq Bakıya yeni geyimlər götürüb yenidən yollanırdıq. O qədər çox olurdu. Pandemiyadan sonra toyların sayı azaldı. Yenə də Allaha şükürlər olsun ki, işimiz pis getmir. Verilişdə aparıcılıq edəndə bizim üçün gündəm, reytinq, tamaşaçı sevgisi, qazanmaq baxımından böyük bir təkan idi. Amma maddi imkanımız verilişdən sonra daha da artdı. Biz hər zaman şanslı insanlar sırasında olmuşuq. Biz “Yeni ulduz” daha sonra “O səs Türkiyə” kimi yarışmaya getdik. O ərəfədə burun əməliyyatı etdirdik. Sanki dünyada burun əməliyyatını biz etmişik kimi böyük rezonans yarandı. Ondan sonra veriliş apardıq indi də bu yerdəyik”.
