Rəşad Əliyev (Müəllif)
Müğənni Türkan Vəlizadə həmkarları Kazım Can və Əməkdar artist Lalə Məmmədovanın verilişlərin birində onun səsini tanımadıqları və oxuduğu mahnıları tənqid etmələrinə cavab verib.
OLAY yazır ki, bu haqda Türkan qonaq olduğu “Xəzər axşamı” verilişində danışıb.
Vəlizadə hər iki məşhura bu sözlərlə mesaj göndərib:
“Efir vasitəsi ilə sənət yoldaşlarımıza, dost demirəm, çünki sənətdə dost yoxdur. İnsanın dostu bir Allah bir də ailəsidir. Sizə və ifa etdiyiniz mahnılara qədər hörmətlə yanaşıram. Bilirəm ki, oxuduğunuz mahnılara 500-1000 manat xərc qoyursunuz. O pulu da qazanmaq üçün alın təri tökürük. Bilirəm ki, zəhmət çəkirsiniz. Amma son zamanlar görürəm ki, həmkarlarım hansısa mahnılarıma efirdə əl ilə “krest” işarəsi göstərirlər. Dəfələrlə olub ki, bir bir verilişə düşmüşük, o qədər sevinərək mənimlə danışmısınız. Bu gün heç kimin ixtiyarı yoxdur ki, kiminsə mahnısına pis və ya yaxşı demək. Mənə elə gəlir ki, hər kəsin öz işi, ifa tərzi var. Bu o demək deyil ki, kimsə kimdənsə artıq və ya əskikdir. İstəmirəm onların adlarını çəkmək. Sevmədim bi yanaşmanı. Çünki onlara bunu yaraşdırmadım. Elə insanlar var ki, onlara belə danışıqları yaraşdırmıram. Sənət əsəridə oxusam bəyənmiyənlər onsuzda bəyənmiyəcək. Ondansa fikir verməyim”.
