Rəşad Əliyev (Müəllif)
“Mən qapalı böyüsəmdə, eyni halı övladlarıma yaşatmıram. Övladlarımla məsafəni qoruyuram. Amma bunu niyə edirəmsə özüm də bilmirəm. Özümə güvənmədiyim üçün qızımla rəfiqə olmağı rədd etdim. Qızım gəlib aşiq olduğunu deyəcək, bunu qaldıra bilmərəm. Getsin, məndən uzaqda həmin duyğularını yaşasın. Bunları mənimlə paylaşmasın”.
OLAY yazır ki, bu sözləri müğənni İradə İbrahimova qonaq olduğu “Söhbət var” verilişində deyib.
Sənətçi “Qızımla rəfiqə ola bilmərəm” fikirlərinə bu sözləri ilə aydınlıq gətirib:
“Qızım İpəklə aranı açmaq istəmədim. Bəlkə də bu qısqanclıqdır. Düşünün, qızım gəlib mənə duyğularını danışır. Bir dəqiqə, mən Gülxəndənin qızıyam. İçimdən Gülxəndə çıxır. Mümkünsüzdür. Ona görə deyirəm ki, sənin ananam. Bunu unutma! Hər şeyinlə bağrıma basıram. 15 yaşı var: diqqət, sevilmək istəyir. Hər şeyin zamanı var. Nələrisə üstüörtülü danışır. Deyirəm, qalıcı deyil, fərqli insanlarla tanış olacaqsan. Duyğularına aldanma. Qısqanc insanam və uşaqlarımı hamıya qısqanıram. Məktəbdə şənlik var idi. Dedi ki, biri rəqsə çağırsa icazə verərsən? Dedim, yox. Uşaq başa düşmür nə dediyimi. Azərbaycanlılığım tutdu. Onu rəqsə dəvət ediblər, amma razılaşmayıb. Zəng vurdu mənə dedi ki, istədiyin kimi övlad ola bilirəm? Kövrəldim. Buna sevinmədim. Onun duyğularının üstünü basdırmış oldum”.
Qeyd edək ki, müğənni İradə İbrahimova 2009-cu ildə əslən azərbaycanlı olan türk vətəndaşı, iş adamı Ceyhun İzərlə ailə həyatı qurub.
Cütlüyün 2010-cu ildə İpək adlı qız övladları dünyaya gəlib. 2015-ci ildə isə sənətçi ikinci dəfə ana olub və Əli adlı oğlan övladı dünyaya gətirib.
Hazırda isə İradə İbrahimova ailəsi ilə birlikdə Türkiyənin İstanbul şəhərində yaşayır.
