Dilşad Bəhruzqızı (Müəllif)
Müğənni Səidə Dadaşova atası, mərhum Xalq artisti Rafael Dadaşov barəsində danışaraq gözyaşı töküb.
OLAY yazır ki, sənətçi “O üz” verilişində qonaq olarkən valideynini itirdikdən sonra yaşadığı çətin günlərdən söz açıb:
“Hara gedirdi, zəng vurub soruşurdu ki, necəsiniz? Telefonunu heç vaxt söndürməzdi. Bir dəfə rayona getmişdi, gecəylə qayıdıb evə gəldi. Telefonum heç vaxt susmurdu. Düşünməzdim ki, telefonum nə zamansa susar… Çox gözləyirəm o zəngi… (ağlayır)
Atam son nəfəsində Vahid dayıma dedi ki, qızım sənə əmanətdir. O yığanda təskinlik tapıram. Deyirəm ki, atamın vəsiyyətidir.
Atamın nömrəsini heç kimə vermirəm, özümdə saxlayıram. Bir dəfə açdım, səhvən qardaşıma o nömrə ilə zəng getdi. Qardaşım pis oldu, dedi, bacı, qurban olum, bir də o nömrəni işlətmə”.
Qeyd edək ki, R. Dadaşov 2020-ci ildə vəfat edib.
