Rəşad Əliyev (Müəllif)
İkinci övladını gözlədiyi xəbərindən sonra 38 yaşlı Hollivud aktrisası Ember Herd üzə çıxıb.
OLAY yazır ki, sənətçi üç yaşlı qızı Una Peyc ilə birlikdə yaşadığı Madrid küçələrinin birində paparatsiyaların obyektivinə tuş gəlib.
“Aquaman”ın ulduzu qaçarkən görüntülənib. Herd əyninə, qara idman kostyumu, idman ayaqqabısı və palto geyinib.
Conni Deppin keçmiş həyat yoldaşının əhvalı yaxşı olub. Aktrisa, avtomobilə əyləşdiyi an gülümsəyib, hətta fotoqraflara əl yelləyib.
Qeyd edək ki, Ember Herd 2017-ci ildə açıq şəkildə zorakılıqda ittiham etdiyi keçmiş həyat yoldaşı, Hollivud aktyoru Conni Deppdən qalmaqallı şəkildə boşandıqdan sonra İspaniyaya köçüb. Proseslər zamanı aktyor Hollivudda xoş olmayan reputasiya qazandı. Lakin 2022-ci ildə o, məhkəməni udub və günahkar bilinməyib.
