Rəşad Əliyev (Müəllif)
“Tesla”, “SpaceX” və “X” sosial şəbəkə platformasını sahibi, milyarder iş adamı İlon Mask, bu yaxınlarda beş aydır uşaqları görmədiyini iddia edən müğənni Qreymsdan (əsl adı Kler Buşe) olan dörd yaşlı oğlu X-Æ-12 ilə görüntülənib
OLAY yazır ki, “ata - bala” Hökumətin Effektivliyi Departamentinə həsr olunmuş tədbirə birlikdə qatılıb.
Fotolarda İlonun oğlunu çiyinlərində gəzdirməsi əks olunub.
Mask tədbirə klassik tünd kostyum və ağ köynək, oğlu isə tünd göy rəngli pencək və boz sviter geyinib.
Sosial şəbəkə əhi oğulun atasına bənzəməsini yazıblar. İzləyicilər onların üz ifadələri eyni olduğunu qeyd ediblər.
Qeyd edək ki, 2023-cü ilin sentyabrında müğənni Qreyms “X” səhifəsində Maskın uşaqlarını görməsinə icazə vermədiyini yazıb. Lakin sonradan bu yazını silib.
Xatırladaq ki, İlon Maskın ümumilikdə on iki övladı var: altısı birinci həyat yoldaşı yazıçı Castin Uilsondan, üçü müğənni Qreymsdan, üçü isə Zilisdən dünyaya gəlib.
