Rəşad Əliyev (Müəllif)
Gizli mənbə dünya şöhrətli Hollivud aktyoru Leonardo Di Kaprionun sevgilisi, “Victoria's Secret”in modeli Vittoria Çeretti ilə nişanlanması ilə bağlı şayiələrə münasibət bildirib.
OLAY yazır ki, bu barədə “PageSix” nəşri məlumat yayıb.
Özünü nəşrə sənətçinin dostu kimi qələmə verən mənbənin sözlərinə görə yayılan şayiələrin reallıqla heç bir əlaqəsi yoxdur.
O vurğulayıb ki, Di Kaprio demək olar ki, hər ay evlənmək qərarına gəlir buna bənzər şayiələr yayılır və bu dəfə səbəb aktyorun noyabrın 11-də qeyd etdiyi yubileydir.
Aktyorun mümkün nişanlanması ilə bağlı şayiələr sosial şəbəkə seqmentində böyük əks-səda doğurub, çünki Di Kaprio Hollivudun əsas subay məşhurlardan biri hesab olunur və həm də 25 yaşından yuxarı qızlarla görüşməməsi ilə tanınır, Vittoriyanın isə bu yaxınlarda 26 yaşı tamam olur.
Üstəlik, podium ulduzu, “Anyma” təxəllüsü ilə tanınan DJ Matteo Milleri ilə artıq evli olub. Vittoria keçən ilin yayında, Di Kaprio ilə görüşdükdən qısa müddət sonra boşandığını açıqlayıb. Əvvəllər modelin barmağında üzüklə ictimaiyyət qarşısına çıxanda Di Kaprio və Çerettinin nişanlı olduqlarından şübhələnirdilər, lakin o zaman belə söz-söhbətlər öz təsdiqini tapmadı.
