Elvin Elxan (Müəllif)2016-cı ildə 57 yaşında dünyasını dəyişən dünya şöhrətli müğənni və bəstəkar Prinsin mal-dövləti ilə bağlı 5 illik məhkəmə prosesi yekunlaşıb.
OLAY yazır ki, ölməzdən əvvəl mirasını açıqlamayan sənətçinin potensial varislərinin başlatdığı hüquqi mübarizə nəticəsində ifaçının sərvətlərinin ümumi dəyəri 156,4 milyon dollar olaraq müəyyən edilib.
ABŞ-da Daxili Gəlir Xidməti ilə “Comerica Bank & Trust” adlı miras idarəçiliyi qurumu Prinsin aktivlərinin məbləği ilə bağlı razılığa gəliblər.
Dövlət qurumu əvvəlcə Prinsin aktivlərini 163,2 milyon dollar, “Comerica Bank & Trust” isə 82,3 milyon dollar dəyərində tanıyıb.
ABC qəzetinin xəbərinə görə, miras dəyərinin müəyyən edilməsi, varlıqların vərəsələrə bölüşdürülməsi üçün gələn ay tədbir görülməsi deməkdir.
