Dilşad Bəhruzqızı (Müəllif)
Türkiyənin məşhur “Manga” qrupu ötən gün baş tutan Bakı konsertindən öncə media nümayəndələrinin suallarını cavablandırıb.
OLAY yazır ki, müsahibə zamanı qrupun solisti Ferman Akgül 2010-cu ildə Avroviziyada ikinci olmaları barədə söz açıb.
O, bildirib ki, “Manga” qrupu olaraq müsabiqəyə yenidən qatılmağı düşünmürlər:
“Təkrar yarışmaya qatılmaq bizim üçün risklidir. Qatılsan, birinci olmalısan, ən azı ikinci. Avroviziyada haqsızlığa məruz qalıb-qalmadığımız isə bizim dəyərləndirə biləcəyimiz bir şey deyil. Musiqiçi olaraq ölkəmizi təmsil etdik və ikinci olduq. Ama bu ikinciliyi yaşaya bilmədik. “Niyə birinci ola bilmədik?”, - deyə, soruşulur. Birinciliyi bizə yaraşdırmağınız da bir dəyərdir. Ümid edirəm, ölkə olaraq təkrar qatılarıq və yeni nəsil ifaçılar gedər, birinci olar. Xüsusilə rok qrupunun təkrar getməyini çox istəyərik”.
