Samirə Ərəblinskaya (Müəllif)Stiven Kinqin ən məşhur əsərlərindən biri olan “O” filmdən sonra serial kimi tamaşaçılara təqdim olunacaq.
OLAY yazır ki, HBO Max-da yayımlanması planlaşdırılan ekran işinin adının “Welcome to Derry” olacağı da söz-söhbətlər arasındadır.
Daha əvvəl 2017 və 2019-cu illərdə çəkilmiş “O” filmlərinin rejissoru Endi Musçietti serial üçün geri dönəcək. Layihənin qeyri-adi hadisələrin ilk dəfə yaşandığı 1960-cı illərdə baş verməsi planlaşdırılır.
Bill Skarsgardın Pennywise kloununu canlandırdığı film 2017-ci ildə yayımlandı və kassada böyük uğur qazandı. Kinodakı uşaq personajlarının gələcəyindən bəhs edən, filmin davamı olan “O: Episode 2” 2019-cu ildə təqdim olundu.
