Rəşad Əliyev (Müəllif)
Zorlama ittihamı ilə həbsə məhkum edilən prodüser Harvi Vaynşteynə sümük iliyi xərçəngi diaqnozu qoyulub.
OLAY yazır ki, bu barədə “NBC News” məlumat yayıb.
72 yaşlı Vaynşteyn hazırda Nyu-Yorkun Rikers adasındakı həbsxana xəstəxanasında müalicə alır.
“Cənab Vaynşteynin məxfiliyinə hörmət edərək, bu məsələ ilə bağlı əlavə şərh verməyəcəyik”, - deyə Harvinin nümayəndəsi bildirib.
Xatırladaq ki, Harvi Vaynşteyn sentyabr ayında təcili ürək əməliyyatı keçirib.
Qeyd edək ki, 2020-ci ildə H. Vaynşteyn zorlama ittihamı ilə 23 il həbs cəzasına məhkum edilib. 2024-cü ilin aprelində hökm ləğv edilib və iş yeni məhkəmə baxışına göndərilib. Eyni zamanda, o həbsxanada qalır.
Ancelina Coli, Qvinet Peltrou, Uma Turman, Salma Hayek və bir çox başqaları da daxil olmaqla, bir çox Hollivud aktrisaları Harvi Vaynşteyni təqibdə ittiham edib və ümumilikdə 80-dən çox qadın bu barədə məlumat verib.
