Elvin Elxan (Müəllif)
Hollivud ulduzu Deniel Kreyqin beşinci və sonuncu dəfə Ceyms Bond rolunu canlandırdığı 25 -ci “007” film seriyasına aid “No Time to Die” rekord baxış toplayıb.
OLAY yazır ki, sentyabrın 30-u İngiltərə, oktyabrın 1-dən isə Azərbaycan və Türkiyədə yayımlanan filmin ABŞ-da da premyerası olub.
Həftəsonu nəticələrinə görə ekran işindən əldə olunan gəlir təkcə ABŞ-da 56, dünyada isə 313 milyon dollar olub.
Qeyd edək ki, yazar Yan Fleminq Ceyms Bond personajı 1952-ci ildə yaradıb və ona aid çoxlu əsərlər yazıb. Bu personajın ekranlaşdırılmasına əsasən onun ölümündən sonra, 1964-cü ildən etibarən başlanılıb.
Daha sonralar Ceyms Bond macəralarını Kinqsli Amis, Con Piarson, Con Qardner, Reymond Benson və Çarli Hiqson qələmə alıb.
