Samirə Ərəblinskaya (Müəllif)“Netflix”in ən çox izlənilən 15 serialı bəlli olub.
OLAY yazır ki, bununla bağlı “Boxoffice Türkiye” siyahı tərtib edib.
Belə ki, 15-ci sırada bir vaxtlar fenomenə çevrilən İspaniya serialı “La Casa De Papel”in 3-cü sezonu yer alıb. Televiziya üçün çəkilən ekran işinin “Netflix”dəki uğuru həm də milyonlar qazandırıb. Üçüncü sezonun izlənmə rekordu 519 milyon saatdır.
Harlan Kobun eyni adlı romanı əsasınd açəkilən “Fool Me Once” 629 milyon saat izlənmə ilə 14-cü yerdə qərarlaşıb.
Koreyanın diqqət çəkən layihələrindən olan “All of us are dead” 679 milyon saat izlənilərək 13-cü sırada yer alıb.
“La Casa de Papel”in dördüncü sezonu isə öz rekordunu yeniləyərək 710 milyon saat izlənilib və 12-c yerin sahibi olub.
11-ci sırada qəırarlaşan “Stranger Things”in üçüncü sezonu 716 milyon saat izlənilib.
10-cu olan “The Queen's Gambit”in izlənilmə müddəti 746 milyon saata çatıb.
“Bridgerton” serialının ikinci sezonu 797 milyon saat izlənilərək 9-cu yerin sahibi olub.
Siyahıda “The Night Agent” 803 milyon saatla 8-cidir.
Yeddinci yerin sahibi isə “Bridgerton”un 3-cü sezonudur. Ekran işi 812 milyon saat izlənilib.
Altıncı yerdə isə yenə “La Casa De Papel”i görürük. Serialın 5-ci sezonu 900 milyon saat izlənilməyə çatıb.
“Bridgerton”un birinci sezonu isə 929 milyon saatla 5-ci yerdədir.
“Dahmer - Monster: The Jeffrey Dahmer Story” 1 milyard saat izlənilərək 4-cü yerin sahibi olub.
“Wednesday”in izlənilmə saatı isə 1 milyard 710 milyondur. Beləliklə ekran işi ilk üçlükdədir.
İkinci yerdə 1 milyard 830 milyon izlənilmə saatı ilə “Stranger Things”in 4-cü sezonudur.
Birinci yerdə isə fərqli ssenarisi ilə maraqla qarşılanan Koreya serialı “Squid Game”dir. Ekran işi 2 milyard 200 milyon saat izlənilib.
