Elvin Elxan (Müəllif)Türkiyənin ustad aktyoru Kadir İnanır aktrisa Merve Dizdara dəstək olub.
OLAY yazır ki, film ulduzu həmkarının “Kann”dakı çıxışını tənqid edənlərə cavab verərək bunları yazıb:
“Dünyanın ən böyük ikinci film festivalı olan “Kann”da mükafat alan Merve Dizdarı və filmin müəlliflərini ürəkdən təbrik edirəm. Kompleksli bacarıqsızlara xəbərdarlıq etmək istəyirəm. Hörmətli olun, ayağa qalxın və alqışlayın”.
Qeyd edək ki, Merve Dizdar “Kann” səhnəsində çıxışı zamanı mükafatı Türkiyədə layiq olduğu gözəl günləri yaşamağı gözləyən, bütün mübarizə aparan bacılarına ərməğan etdiyini deyib.
