“Taliban” rəhbərliyi Əfqanıstanda qadınları kölələşdirən yeni qaydalar tətbiq edib.
OLAY yazır ki, qaydalarda qeyd olunub:
Ali lider Heybətulla Axundzadə tərəfindən təsdiqləndiyi bildirilən qaydalar bunlardır:
· Kişilərə, “sümük sınığı və ya açıq yara” olmadığı halda arvadlarını döyməyə icazə verilir.
· Ərinin icazəsi olmadan valideynlərinin evinə gedən qadınlar (hətta zorakılıqdan qaçmaq məqsədilə belə) 3 aya qədər həbs cəzası ala bilər.
· Rəqs edən və musiqi ifa edən şəxslər cinayətkar hesab olunur.
· Qızların təhsilinə qoyulan qadağanı tənqid etmək cinayət sayılır.
· Qadınlar üzlərini tam örtməli, yaxın qohumu olmayan şəxslərin yanında danışmamalıdır.
· Qadınların səsinin çöldə eşidilməsinin qarşısını almaq məqsədilə evdə ucadan danışması qadağandır.
· Qanunun 9-cu maddəsinə əsasən, Əfqan cəmiyyəti dörd təbəqəyə bölünür: din alimləri, elita, orta sinif və aşağı sinif.
· Cinayət törədən din xadimi və ya elita nümayəndəsi xəbərdarlıqla kifayətlənir. Orta təbəqə üçün həbs, aşağı təbəqə üçün isə həm fiziki cəza, həm də həbs nəzərdə tutulur.
· Hənəfi məzhəbinə mənsub olmayan şəxslər “bidətçi” və ya “dindən çıxmış” hesab edilir.
