OLAY.AZ (Müəllif)
Bu günə qədər estrada ulduzlarının, aktyor və influenserlərin, yaşlı sənətkarların instaqram səhifələrinə nəzər yetirib, onların hesablarını necə idarə etdikləri ilə tanış olmuşuq.
Növbəti dəfə diqqətimizi gənc xanəndələrin profilləri çəkdi. Daim qalmaqallardan, şou-biznesdən uzaq gəzən bir neçə muğam ifaçısının instaqramda bir-birilərini izləyib-izləmədikləri, kimləri təqib etdiklərini araşdırdıq.
OLAY yazır ki, Əməkdar artist Babək Niftəliyev instaqramda heç bir həmkarını izləmir. O, yalnız övladlarının adına açdığı səhifələri təqib edir.
Bu səbəbdəndir ki, yaşıdı olan həmkarları da ona eyni şəkildə qarşılıq verir, yəniz izləmir.
Məsələn, Əməkdar artist İlkin Əhmədovun izlədikləri siyahısında daim münasibətinin yaxşı olduğu bilinən Niftəliyev yoxdur. O, yaşı çox sənətkarlarla yanaşı, gənc həmkarları Mirələm Mirələmovu, Kamilə Nəbiyevanı, Sədəf Budaqovanı izləyir.
Qeyd edək ki, adı sadalanan sənətçilər hər üçü də B. Niftəliyevi izləmir.
Bununla yanaşı, xanım muğam ifaçıları Sədəf Budaqova və Kamilə Nəbiyeva da bir-birini təqib etmir.
Hər iki xanəndə də eynilə bir-birilərindən başqa xeyli sənət adamını izləyirlər.
