Rəşad Əliyev (Müəllif)
Rusiyanın məşhur estrada ulduzu Anna Sedokovanın keçmiş əri, 32 yaşlı idmançı Yanis Timmanın ötən gecə ölü tapılıb.
OLAY yazır ki, idmançının meyiti Moskvanın mərkəzində beşmərtəbəli binanın girişində tapılıb.
“Yaxınlıqda bir telefon var idi, ekran qoruyucuda müğənninin nömrəsi və ona zəng etmək xahişi var idi”, – deyə mənbə rus mediasına açıqlamasında bildirib.
Ölümün ilkin səbəbi intihar olub. Baş verən hadisənin digər təfərrüatları yoxdur.
Anna Sedokova keçmiş sevgilisinin ölümü ilə bağlı xəbərlərə hələ cavab verməyib.
Dekabrın əvvəlində müğənninin basketbolçudan boşandığı məlum olub. Yalnız dünən Yanis Annanı doğum günü münasibətilə təbrik edib.
Qeyd edək ki, A. Sedokova üçün bu, üçüncü evlilik idi. Cütlüyün münasibəti 2019-cu ildə başlayıb. İfaçı, əvvəllər belaruslu futbolçu Valentin Belkeviç və iş adamı Maksim Çernyavski ilə evli olub. Annanın əvvəlki münasibətlərindən üç, Yanisin isə ilk evliliyindən bir uşağı var. Keçmiş həyat yoldaşlarının birlikdə uşaqları yoxdur.
