Rəşad Əliyev (Müəllif)
41 yaşlı rus estradasının ulduzu Anna Sedokova üçüncü əri, 32 yaşlı latviyalı basketbolçu Yanis Timma ilə rəsmi şəkildə boşanıb.
OLAY yazır ki, keçmiş cütlük 4 illik evliliklərini bitiriblər.
Yanis və Anna son illərdə bir neçə dəfə ayrılsalar da, sonra barışıblar.
Lakin bu ilin oktyabrında müğənni boşanmaq üçün məhkəməyə müraciət edib və noyabrda məhkəmə ərizəni rəsmən qəbul edib. Cütlüyün barışmaq üçün bir ay vaxtı olub.
Sedokova dəfələrlə sosial şəbəkələrdə əri ilə münasibətlərindəki çətinliklərdən danışıb.
Qeyd edək ki, A. Sedokova üçün bu, üçüncü evlilik idi. Belə ki, ifaçı, əvvəllər belaruslu futbolçu Valentin Belkeviç və iş adamı Maksim Çernyavski ilə evli olub. Annanın əvvəlki münasibətlərindən üç, Yanisin isə ilk evliliyindən bir uşağı var. Keçmiş həyat yoldaşlarının birlikdə uşaqları yoxdur.
