Qrafik dizayner Rəsul Həsən yaşlı aktyor və rejissorlar üçün maraqlı təklif irəli sürüb.
OLAY yazır ki, o, həmin sənətçilərin fərdi və qrup halında peşəkar fotosessiyasının vacibliyini vurğulayıb.
Bu haqda R. Həsən sosial şəbəkə hesabında məlumat paylaşıb.
Rəsul bildirib ki, keçən ilin dekabrında sözügedən məsələ ilə bağlı bir neçə quruma müraciət də edib:
“Keçən ilin dekabr ayında kino ilə bağlı bir neçə quruma yazdım ki, yaşlı aktyor və rejissorları yığıb onları peşəkar fotosessiya etmək lazımdır. Həm tək-tək, həm də qrup halında. Müxtəlif bəhanələr gətirildi, ancaq düşünürəm ki, bu iş mütləq görülməlidir. Yaşlı nəsil aktyor və rejissorların sayı çox az qalıb və demək olar ki, onların professional çəkilmiş fotolarını tapmaq mümkün deyil. Bu təkcə aktyorlar üçün keçərli deyil, həm də digər incəsənət və elm sahəsi qolları üçün də olmalıdır. Fotostudiya və aidiyyatı qurumlar bunu sosial məsuliyyət kimi öz üzərinə götürməlidirlər”, - deyə, o, qeyd edib.
Həmçinin Həsən sosial media hesabında hazırda yaşayan klassik aktyorlardan bir neçəsinin süni intellektlə hazırlanmış fotolarını paylaşıb.
Xalq artisti Cahangir Novruzov
Xalq artisti Ənvər Həsənov
Xalq artisti Fəxrəddin Manafov
Xalq artisti Kazım Abdullayev
Xalq artisti Hacı ismayılov
Xalq artisti İlham Namiq Kamal
Xalq artisti Hacı Murad Yegizarov
Xalq aristi Rafiq Əzimov
Xalq artisti Rasim Balayev
Xalq artisti Məmməd Səfa
Xalq artisti Şamil Süleymanlı
Xalq artisti Valeh Kərimov
Xalq artisti Vidadi Həsənov
Əməkdar artist Elxan Qasımov
