İnternet istifadəçiləri Verner Hertsotqun yeni “The Curse of the Bastard” filmində üçlü seks səhnəsinə çəkilən bacılar Runi və Keyt Mara ilə Orlando Blumu tənqid ediblər.
OLAY yazır ki, tənqidlərə səbəb reissyorun bu səhnə haqqında verdiyi şərh olub: “Elə məqamlar olur ki, rejissor kənara çəkilməlidir. Bu məhəbbət səhnəsində Orlandoya dedim: “Sən çarpayıdasan, qucağında iki qadın var. Bununla necə davranmalı olduğun barədə sənə göstəriş verə bilmərəm”. Bu möhtəşəmdir, çünki bunda xüsusi bir cazibə və dərinlik var.”
Xatırladaq ki, süjet xətti son günlərinə qədər ayrılmaz olan və demək olar ki, bir-birindən seçilməyən Çaplin əkiz bacılarının hekayəsindən ilhamlanıb: onlar eyni paltarları geyinir, addımlarını eyni atır və eyni anda danışırdılar. Bacılar 1980-ci illərin əvvəllərində mətbuatda məşhurlaşmışdılar; belə ki, onların qonşuları Kevin İvsona olan diqqəti, kişini təqib etmələri, evinin qarşısında pusquda durmaları, qışqırmaları və hətta döymələri məhkəmənin kişiyə yaxınlaşma qadağası qoyması ilə nəticələnmişdi.
Filmin süjetinə əsasən, Runi və Keyt Maranın canlandırdığı bacılar da Blumun oynadığı eyni kişiyə aşiq olurlar.
