Viktoriya və Devid Bekhemlərin yeganə qızı Harper öz kosmetika brendini yaradır.
OLAY yazır ki, məşhurların qızı keçən il ''HIKU by Harper'' adlı kosmetika xəttinin ticarət nişanını qeydiyyatdan keçirib, bir neçə gün öncə isə valideynləri ilə birlikdə markanın ilk kampaniyası üçün fotosessiyada iştirak edib. Harper artıq “gələcəyin milyoneri” və “Britaniyanın Kayli Cenneri” adlandırılır, çünki Kayli də 18 yaşında - ''Kylie Cosmetics'' brendini qurmuş və 21 yaşında, demək olar ki, milyarder olmuşdu.
“Layihə Z nəsli və onun öz Alfa nəsli üçün nəzərdə tutulub və deyirlər ki, Cənubi Koreya kosmetika sənayesindən ilham alınıb - bu sahə özü böyük bir sektordur”, - deyə mənbə bildirib.
Harper Bekhem anasının ''Victoria Beckham Beauty'' kosmetika xəttinə sahib olduğu şəraitdə, blogerlik sahəsində də addımlar atır və artıq Britaniyada yeniyetmə qızlar arasında çox populyardır. Harper uşaqlığından moda dünyasına maraq göstərir və kosmetikaya həvəs göstərir, buna görə də heç kəs şübhə etmir ki, onun brendi uğurlu olacaq.
