Samirə Ərəblinskaya (Müəllif)
Xalq artisti Röya Ayxan xərçəngdən əziyyət çəkən ifaçı Qəşəm Nəcəfovu ziyarət edib.
OLAY yazır ki, estrada ulduzu “Səs Azərbaycanda” iştirakçısı olan Qəşəmin evinə yollanıb.
Həm maddi, həm mənəvi cəhətdən Qəşəmə dəstək olduğunu bildirən pop ulduz paylaşdığı kadrlarda bunları söyləyib:
“Biz, bütün Azərbaycan səninləyik. İstədim, gəlim səni yoxlayım. Görsünlər ki, birlik çox gözəldir. Yaxşı ki, məni seçmisən. Dedim, sübut edim ki, doğrudan da düzgün seçim etmisən. Ruh düşkünlüyünü aradan qaldıraq. Vaqif müəllim (Vaqif Gərayzadə) bizim üçün duet yazacaq. Demişəm ki, bir oğlan var, sizin mahnılarınızı çox gözəl ifa edir. Səhnəyə qayıdacaqsan. Həkimimizdən də razıyıq. Amma hələ müalicəyə davam etməliyik. Deyəsən, başqa ölkəyə də getməliyik. Tək əldən səs çıxmaz. Rica edirəm, mənim də yanımda olsunlar. Biz Qəşəmin yanında olaq”.
