Rəşad Əliyev (Müəllif)
“Meta” şirkətinin təsisçisi, dünyanın ən zəngin insanlarından biri Mark Zukerberq Vaşinqtonda ən bahalı evlərdən birini alıb.
OLAY “Politico” nəşrinə istinadən yazır ki, Mark və həyat yoldaşı Priscilla Kolumbiya rayonunda malikanə alıblar.
Milyarder oradan tez bir zamanda şəhərə gələ biləcək.
Mənbənin sözlərinə görə, malikanə iş adamına 23 milyon dollara başa gəlib.
Müqavilə Vaşinqtonda üçüncü ən böyük sazişdir.
1400 kvadratmetrlik malikanə prestijli !Woodland-Normanstone” ərazisində yerləşir. Bu, cəmi 160 evlə mahalın ən kiçik və ən bahalı məhəllələrindən biridir.
Qeyd edək ki, M. Zukerberqin çox sayda daşınmaz əmlaka sahib olduğu məlumdur. Onun Havay, Palo Alto, Kaliforniya və Taho gölünün yanında malikanəsi var.
