Rəşad Əliyev (Müəllif)
Dünya şöhrətli fransız aktyoru Jerar Depardyenin Fransada qanunla bağlı problemlər fonunda Rusiyaya birdəfəlik köçməsi ilə bağlı xəbərlər yayılıb.
OLAY yazır ki, məşhurun nümayəndəsi aktyorun Rusiyaya tezliklə gələcəyi xəbərini təsdiqləyib.
“Jerarın birdəfəlik Rusiyaya köçmək məsələsi, sadəcə olaraq absurddur. O, hələ də azaddır və Rusiyaya gəlmək istəyir. Jerar, tezliklə Novosibirskə ortağı Denis İvanovun açdığı restoranını ziyarət etmək üçün gələcək” - deyə, aktyorun nümayəndəsi bildirib.
Aktyorun nümayəndəsi Arno Frille “Abzats” nəşrinə bildirib ki, Depardyenin cinsi qısnama ilə bağlı məhkəməsinin nəticəsi mayın 13-də bəlli olacaq.
Xatırladaq ki, J.Depardye 2013-cü ildə Rusiya vətəndaşlığını alıb. Bundan əlavə, ona Saranskda mənzil verilib, lakin aktyor Nosibirskdə qeydiyyatdan keçdiyi yerdə biznes açmağa üstünlük verib.
2023-cü ilin dekabrında “France 2” telekanalı, Jerar Depardye ilə bağlı seks qalmaqalları haqqında sənədli film yayımlayıb. Premyera günü 1982-ci ildə “Danton” filmində Depardye ilə birlikdə rol alan aktrisa Emmanuel Debever intihar edib. Bundan əvvəl ondan çox qadın Jerar Depardyeni cinsi qısnamada ittiham edib. 2004-2022-ci illər arasında ulduzun cinsi təcavüzə məruz qaldığını iddia etmək üçün cəmi 13 qadın çıxış edib. Bütün hadisələr elə çəkiliş meydançasında baş verib – söhbət bu müddət ərzində çəkilmiş 11 film və serialdan gedir.
