Rəşad Əliyev (Müəllif)
Dünya şöhrətli Hollivud aktyoru Jan-Klod Van Dammın Kannda azyaşlı qızlarla əylənməsi ilə bağlı məlumatlar yayılıb.
OLAY yazır ki, bununla bağlı Rumıniyalı müstəntiqlər məlumat yayıblar. Aktyor insan alveri ilə bağlı cinayət işində müttəhim olub.
İstintaqda iştirak edən vəkil Adrian Kukulisin sözlərinə görə, Jan-Klod Van Damm təxminən 10 il əvvəl fahişəliyə məcbur edilən beş rumıniyalı qızla intim münasibətdə ittiham olunur. İddialara görə, bütün bunlar Kannda baş verib.
Belçikalı aktyor üçün qızların seçimini rumıniyalı sahibkar Morel Bolya, “EuroDemos” qeyri-kommersiya təşkilatının prezidenti və model agentliyinin sahibi Kasta Morreli aparıb. 2022-ci ildə M.Bolya, uşaq alveri işində əsas müttəhim olub.
Qeyd edək ki, Jan Klod Van Damm Azərbaycan Respublikası Xüsusi Dövlət Mühafizə Xidmətinin sabiq əməkdaşı, polkovnik Elxan Hacızadə ilə quda olub. Kristofer-Suada cütlüyü 2021-ci ilin iyununda Azərbaycanın İstanbuldakı Baş Konsulluğunda doğmalarının iştirakı ilə baş tutan nikah mərasimində ailə həyatı qurub.
