Rəşad Əliyev (Müəllif)
Model Bianka Sensori həyat yoldaşı, dünyaca məşhur reper və iş adamı Kanye Uestdən (Ye – yeni adı) boşandıqdan sonra borclu qala bilər.
OLAY “TMZ” nəşrinə istinadən yazır ki, Amerika şou-biznesinin ən mübahisəli cütlüyünün boşanmasına az qalıb.
Nəşrin məlumatına görə, Uest və Sensori nümayəndələri artıq vəkilləri çağırmağa başlayıblar - və bu, təsadüfi deyil.
Cütlüyə yaxın mənbə nəşrə açıqlamasında bildirib ki, onlar nikahdan əvvəl müqavilə imzalamayıblar.
Üstəlik, evlilik zamanı Kanye əslində yoxsullaşdı. Bir çox tərəfdaşlar reperin iyrənc və təhqiramiz ifadələrinə görə onunla əməkdaşlıq etməkdən imtina ediblər. Aşiqlərin yaşadığı Kaliforniyada keçmiş həyat yoldaşlarının həm aktivləri, həm də borcları bərabər bölünür. Bu o deməkdir ki, boşanma halında Bianka ərinin “ehtiyatsızlığının” əvəzini ödəməli olacaq.
Bununla belə, modelin bundan xilas olmaq şansı var. Məsələ burasındadır ki, Kanyenin məruz qaldığı maliyyə itkilərinin çoxu Bianka ilə evlənməmişdən əvvəl sahib olduğu aktivlərlə bağlıdır. Məsələn, o, bu il yarımçıq qalmış Malibu mülkünü sataraq 36 milyon dollar itirib. Və bu, iddialı layihənin tikintisinə yatırılan pulları belə saymır. Lakin Biankanın burada bəxti gətirib: reper mülkü 2021-ci ildə alıb və cütlük yalnız 2022-ci ildə gizli toy edib. Bu o deməkdir ki, əmlak bölünərkən bu məbləğ nəzərə alınmayacaq.
“Forbes” nəşri məşhurun sərvətini 400 milyon olaraq qiymətləndirir.
