OLAY.AZ (Müəllif)
Hamı bilir ki, son zamanlar ailə üzvlərimizə naməlum nömrələrdən zənglər gəlir, pul istəyirlər, guya nəsə baş verib. Ailə üzvünün səsi ilə qorxudurlar. Bu dəfə artıq mənimlə lap təhlükəli şey baş verib. Ailə üzvümün telefonuna mənim nömrəmdən zəng gəlib. Nömrə rəqəm kimi də gəlmir, bloknotda necə yazılıbsa, elə gəlib. Telefonu qaldırdım və gördüm ki, mənim səsimlə pul istəyirlər. “Təcili pul göndər indi, mən gözləyirəm”, nəsə dedim, abdoy verdilər.
OLAY yazır ki, bu sözləri ABD Malik instaqramda paylaşdığı videoda deyib. Başına gələnləri izləyiciləri ilə paylaşan sənətçi insanları ayıq-sayıq olmağa və gələn bu kimi zənglərə aldanmamağı məsləhət görüb.
“Belə qərara gəldik ki, ailədə bir məxfi söz olacaq. Əgər sabah hiss etsəniz ki, qeyri-adi zəngdi və yaxınlarınız adətən belə danışmır, belə suallar vermir, o zaman bu məxfi sözü istəyin. Hələki, biz belə bir yeganə çıxış yolu görmüşük”.
