Rəşad Əliyev (Müəllif)
Xalq artisti Alim Qasımov 8 ildən sonra ilk dəfə canlı yayımlanan verilişə çıxıb.
OLAY yazır ki, sənətkar, həmkarı Xalq artisti Nazpəri Dostəliyevanın ad günündə qızı Fərqanə Qasımova ilə birlikdə “Rəngarəng” verilişində qonaq olub. Sənətkarlar canlı ifalar edərək tamaşaçıların könlünü oxşayıb. Xalq artisti Zaur Nəbioğlunun xüsusi dəvətini qəbul edərək verilişə qatılmağa razılıq verdiyini deyib:
“Sənə mənim xüsusi hörmətim var. Bu sənəti sevən və məni dəfələrlə verilişlərə çəkən adamsan. Pərviz Bülbülə ilə meyxana da demişdik hətta. Mənim üçün də konsert kimi bir veriliş hazırlasan, yaxşı pul versən gələrəm”.
Xatırladaq ki, Alim Qasımov 8 ildir ki, televiziya verilişlərinə qatılmaqdan imtina edir. O, hətta verilişdə iştirak etmək üçün müəyyən miqdarda qonorar tələb edirdi. Bu onun 8 ildən sonra qatıldığı ilk canlı verilişdir.
