Samirə Ərəblinskaya (Müəllif)
2018-ci ildən birgə işlər görən və “Yuxuma da gəlmə”, “Odlu silah“ kimi hitlərə imza atan MadTeen (Mətin Hüseynzadə) və Rəssam (Elvin Həsənov) cütlüyü ayrılıb.
OLAY yazır ki, bu barədə “PrimeTime”a özəl məlumat daxil olub. Onlar artıq solo şəklində fəaliyyət göstərəcəklər. MadTeen bu gündən etibarən məşhur bəstəkar - müğənni Mironun (Məhəmməd İsgəndərov) “Re Play Music” leyblı şirkətinə daxil olub.
Rəssam isə öz şirkətində bəstəkar və ifaçı kimi fəaliyyətini davam etdirəcək.
Qeyd edək ki, cütlük sonuncu dəfə 15 dekabrda “Hayal Kahvesi”ndə konsert verəcək.
